ch-hiwa ch-hiwa
https://www.up4.cc/image81280.html
شهيوات

آخر المواضيع

شهيوات
حلويات
جاري التحميل ...
حلويات

طريقة طبخ الدجاج للأعراس والمناسبات كيجي رااائع

دجاج بطريقة طياب الأعراس والمناسبات كايجي بنين بزاااف
طريقة طبخ الدجاج للأعراس والمناسبات كيجي رااائع

المقادير :
6دجاجات (الكمية حسب عدد الأشخاص)
التوابل
السمن
القزبور والمعدنوس
الحامض مصير
ونتوما بداو غير بدجاجة وحدة
طريقة التحضير:
نغسلو الدجاج بالملح و الخل و سكين جبير و نخلوه إيبات في الترقيدة ديالو حتى للصباح و نغسلوه مزيان و نحطوه يتسقطر
الشرمولة:
نحتاجوليها 3 معالق كبار سكين جبير
3 معالق خرقوم بلدي
ملعقة صغيرة مخلطة بسيبيسة و قعقلة مطحونين
2معالق كبار سمن
ملعقة كبيرة إبزار
ملعقة صغيرة قرفة
ثوم مدقوق أنا كندير 3 فصوص للدجاجة
قزبور و معدنوس
نصف حامضة مصيرة مقطعة رقيق
شوية من ملون آصطناعي
الملح غير شوية
الطريقة :
تنخلطو جميع المكونات مع كأس كبير من الماء
ثم كنبداو نرقدو الدجاج في الشرمولة و حنا كندخلوها مزيان و نحكوها ما بين اللحم و الجلدة و أيضا وسط الدجاجة ثم كنربطو ليهم رجليهم
كنرقدو الدجاج ساعة ثم نزيدو عليه كأس ماء و نحطوه إيطيب على نار مهيلة
حتى يغلى مزيان ثم نضيفو 4 بصلات مشلظين رقاق و كأس زيت مخلط رومي و
بلدية و نقلبو الدجاج على كرشو و نخلوه يطيب على نار مهيلة
منين يطيب الدجاج نجهدو العافية باش يتنقص المرق ثم نحيدو الدجاج من المرق و نحطوه في لاطة و ندهنوه بالسمن او الزبدة و ندخلوه للفرن يتحمر
كنسلقو الزيتون ونصفوه و نزيدو عليه مغرفة من المرق و نخلوه يشرب ليقامة مزيان
كنشحرو المرقة ليبقات على نار متوسطة مع التحراك حتي تولي عاقدة,
في الأخير كنحطو الدجاج في طبق التقديم و نخويو شوية المرق و نزينو بالزيتون و كل واحد كيزين حسب الذوق ديالو
و بالصحة والراحة.
طريقة طبخ الدجاج للأعراس والمناسبات كيجي رااائع



التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

Follow by Email

جميع الحقوق محفوظة

ch-hiwa

2016