ch-hiwa ch-hiwa
https://www.up4.cc/image81280.html
شهيوات

آخر المواضيع

شهيوات
حلويات
جاري التحميل ...
حلويات

كيفية تحضير سلطة الطحينة الكدابة في البيت

كيفية تحضير سلطة الطحينة الكدابة في البيت
كيفية تحضير سلطة الطحينة الكدابة في البيت
سلطة الطحينة الكدابة ... بتاعة المحلات ... هقولكوا علي السر بتاعها
ركزي معايا يا قطة إنتي و هيا ، طبعا كلنا بنحب طعم سلطة الطحينة
إلي بتيجي مع دليفري المشاوي و أكلات السي فوود ، و بتلاقي في المحل
الراجل بيبعت علب كتييييير ، و بنستغرب إن طعمها بيبقي لذيذة جدا ،
و في نفس الوقت الطحينة الخام بتبقي غالية !!!
و السؤال هنا طب صاحب المحل دا بيكسب إزاي ؟؟؟
تعالي أنا بقي أقولك إية السر بتاعها و إية التكة إلي بيعملوها بيخلي 
طعمها حلو و غير مكلفة خالص و بيكسبوا كتيييير ،
كل الحكاية إنهم بيعملوا التركيبة البسيطة دي و إلي هيا :
( ٢ عيش شامي أبيض طري مقطع .. ٢ ملعقة طحينة ..٢ملعقة زبادي
و عليهم الخليط دا :
( ٢ كوب ماء.. ١/٨ كوب زيت نباتي أو أكتر زي ما تحبي ..١/٨ كوب خل أبيض .. و عصير ٢ ليمونة ..ثوم فريش مفروم ناعم حبة حلوين ..ملح و فلفل أسمر و كمون و كسبرة ناشفة و شطة و ممكن فلفل أحمر حار ) ،
كيفية تحضير سلطة الطحينة الكدابة في البيت
و بعدين تقلبي الخليط دا كويس و تنقعي فية قطع الخبز الشامي الطري المقطع 
و عليهم ٢ ملعقة طحينة و تسبيهم في التتبيلة دي لمدة ربع ساعة و العيش يبوش في الخليط ،
كيفية تحضير سلطة الطحينة الكدابة في البيت
و بعدين تضربيهم في الخلاط لحد لما يمتزجوا مع بعض ،
و ممكن تضيفي شوية ماء لحد لما توصلي للسماكةإلي تفضليها ...
و أراهنك إنك ما في حد هايصدق إن دي نكهة طحينة بيتي ، 
و كمان و فرتي يا قطة عملتي كمية أاااااد كدة و بمعلقتين طحينه بس ;-) 
و ممكن كمان تحتفظي بيها في برطمان زجاج و ترشي علي الوش شوية زيت
علشان ما تحمض و حطيها في التلاحة و كلي منها في أكلات 
هيا صحيح طحينة كدابة ... بس طعمها تحفة بنت اللذينا ;-)
كيفية تحضير سلطة الطحينة الكدابة في البيت
و بالف هنا

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

Follow by Email

جميع الحقوق محفوظة

ch-hiwa

2016